AKTA Charitable Trust was established in 2006 for the welfare of sewing workers in Kerala.

ലക്ഷ്യങ്ങള്‍

1.    അവശതാ പെന്‍ഷന്‍ - 1000 രൂപ പ്രതിമാസം.
2.    അംഗ മരണം –5000 രൂപ.
3.    ആശ്രിത മരണം –3000 രൂപ.
4.    ചികിത്സാ സഹായം ,കണ്ണ്‍ ഓപ്പറേഷന്‍ അടക്കം –2000 രൂപ.
5.    ചികിത്സാ സഹായം അതീവഗുരുതരം –5000 രൂപ.
6.    വിദ്യാഭ്യാസ സഹായം – B.A, B.Sc, B.Com – 2000 രൂപ.
7.    പ്രകൃതി ദുരന്തം –5000 രൂപ.
8.    പ്രകൃതി ദുരന്തം പൂര്‍ണ്ണമായിട്ടുള്ളത്‌ –10000 രൂപ
9.    ചികിത്സാ സഹായം മേജര്‍ സര്‍ജറി, അംഗവൈകല്യം അടക്കം – 10000 രൂപ.

 

നിബന്ധനകള്‍

1.    എ.കെ.റ്റി.എ അംഗങ്ങള്‍ക്ക് മാത്രമായിരിക്കും ട്രസ്റ്റില്‍ ചേരാന്‍ അവകാശം.
2.    പ്രായം 18 വയസ്സ് പൂര്‍ത്തിയായവരും 60 വയസ്സ് അധികരിക്കാത്തവരും ആയിരിക്കണം .
3.  അംഗത്വ ഫീസ്‌ 100 രൂപയും പുതുക്കല്‍ ഫീസ് പ്രതിവര്‍ഷം 40 രൂപയും അംഗം നല്‍കേണ്ടതാണ്. വാര്‍ഷിക പുതുക്കല്‍ നടത്താതെ അംഗത്വം നഷ്ട്ടപ്പെട്ടാല്‍ ട്രസ്റ്റിന്റെ ഒരു വിധത്തിലുമുള്ള അധികാരാവകാശം ഉണ്ടായിരിക്കുന്നതല്ല.
4.    പെന്‍ഷന്‍ - നിലവില്‍ പെന്‍ഷന്‍ ലഭിച്ചുകൊണ്ടിരിക്കുന്നവര്‍ക്ക് പുറമേ ചാരിറ്റബിള്‍ ട്രസ്റ്റില്‍ 5 വര്‍ഷക്കാലമായി  തുടര്‍ന്ന് കൊണ്ടിരിക്കുന്നവരും 60 വയസ്സ് കഴിഞ്ഞിടുള്ളവര്‍ക്കും, മറ്റ്  പെന്‍ഷനുകള്‍ ഒന്നും ലഭിക്കാത്തവര്‍ക്കും ആയിരിക്കും ട്രസ്റ്റില്‍ നിന്നും പെന്‍ഷന്‍ ലഭിക്കുക.
5.   അംഗമരണം–90 ദിവസത്തിനകം ബന്ധപ്പെട്ട രേഖയും മെമ്പര്‍ഷിപ്പ് അടക്കമുള്ള എല്ലാ രേഖകളും ഒറിജിനല്‍ ഹാജരാക്കിയിരിക്കണം, മരണ സര്‍ട്ടിഫിക്കറ്റ് അടക്കം. അംഗത്തിന്റെ ഭാര്യ/ഭര്‍ത്താവ് പ്രായപൂര്‍ത്തിയാകാത്ത മക്കള്‍ എന്നിവര്‍ക്കും അവിവാഹിതരായിട്ടുള്ള അംഗങ്ങളുടെ മാതാപിതാക്കള്‍ക്കും മാത്രമായിരിക്കും അര്‍ഹത ഉണ്ടായിരിക്കുക.
6.    അവകാശി മരണം (ആശ്രിത മരണം)– വിവാഹിതര്‍ക്ക് ഭാര്യ/ഭര്‍ത്താവ് അവിവാഹിതര്‍ക്ക് മാതാവ്/പിതാവ് – ഇവരില്‍ ഒരാള്‍ക്ക് മാത്രം ആനുകൂല്യം ലഭിക്കുന്നതാണ്.
7.    ചികിത്സാ സഹായം –(1) പ്രസവസംബന്ധമായ സര്‍ജറി ഒഴികെ മറ്റെല്ലാ സര്‍ജരികള്‍ക്കും ലഭിക്കും.
8.   ചികിത്സാ സഹായം–(2) തളര്‍വാതം, പാന്‍ക്രിയാറ്റിസ്, ഗുരുതരമല്ലാത്ത ക്യാന്‍സര്‍, ആന്‍ജിയോഗ്രാം, ആന്‍ജിയോ പ്ലാസ്റ്റ്, പേസ് മേക്കര്‍, ഗുരുതരമല്ലാത്ത തീപ്പൊള്ളല്‍, പാമ്പുകടി, എന്നിവകള്‍ക്കും ലഭിക്കും.
9.    ചികിത്സാ സഹായം–(3) ബൈപ്പാസ് സര്‍ജറി, ഗുരുതരമായ ക്യാന്‍സര്‍, മാരകമായ കിഡ്നി രോഗം, അംഗ വൈകല്യം, മറ്റ് മേജര്‍ സര്‍ജറികള്‍ക്കും ലഭിക്കുന്നതാണ്.
10.    വിദ്യാഭ്യാസ ആനുകൂല്യം– ഒരു ജില്ലയില്‍ B.A – മൂന്നു പേര്‍, B.Sc. –മൂന്നു പേര്‍, B.Com. –മൂന്ന് പേര്‍ എന്ന ക്രമത്തില്‍ ആകെ 9 അംഗങ്ങള്‍ക്കാണ് വിദ്യാഭ്യാസ ആനുകൂല്യം നല്‍കുക.
11.    പ്രകൃതിദുരന്ത സഹായം–(1) ഭാഗീകമായി വീടുകളോ തയ്യല്‍ സ്ഥാപനങ്ങള്‍ക്കോ നഷ്ടം സംഭവിച്ചാല്‍ ആനുകൂല്യം നല്‍കുന്നതാണ്.
12.    പ്രകൃതിദുരന്ത സഹായം–(2) പൂര്‍ണ്ണമായും വീടോ തയ്യല്‍ സ്ഥാപനമോ നഷ്ട്ടപ്പെടുന്നവര്‍ക്ക് നല്‍കുന്ന ആനുകൂല്യം.
13.  മുകളില്‍ വിവരിച്ചിട്ടുള്ള ആനുകൂല്യങ്ങള്‍ക്ക് അപേക്ഷ സമര്‍പ്പിക്കുന്നതിനുള്ള കാലാവധി 90 ദിവസമായി നിശ്ചയിച്ചിരിക്കുന്നതും, കാലാവധിക്കു ശേഷം വരുന്ന ഓരോ അപേക്ഷകളും സ്വീകരിക്കുന്നതുമല്ല.
14.   ചികിത്സാ സഹായങ്ങള്‍ക്ക് അപേക്ഷയോടൊപ്പം ഡിസ്ച്ചാര്‍ജ് ചെയ്തത് അടക്കമുള്ള മെഡിക്കല്‍ സര്‍ട്ടിഫിക്കറ്റ് എസ്.എച്ച്.ജി കണ്‍വീനര്‍, യൂണിറ്റ്, ഏരിയ, ജില്ല കമ്മറ്റികളുടെ ശുപാര്‍ശ കത്തുകള്‍, തന്‍ വര്‍ഷത്തെ മെമ്പര്‍ഷിപ്പ് കോപ്പിയും ഹാജരാക്കേണ്ടതാണ്. ട്രസ്റ്റ് കാര്‍ഡിന്റെ ആനുകൂല്യം രേഖപ്പെടുത്തുന്നതടക്കമുള്ള കോപ്പി അപേക്ഷയില്‍ ഉള്‍പ്പെടുത്തേണ്ടതുമാണ്.
15.  അംഗത്തിന്റെ മരണം ആശ്രിത മരണം എന്നിവയ്ക്ക് മറ്റു രേഖകള്‍ക്ക് പുറമേ മരണ സര്‍ട്ടിഫിക്കറ്റും, വിദ്യാഭ്യാസ ആനുകൂല്യത്തിനു കോഴ്സ് പൂര്‍ത്തീകരിച്ച ഫൈനല്‍ സര്‍ട്ടിഫിക്കറ്റും, പ്രകൃതി ദുരന്തത്തിനു വില്ലേജ് ഓഫീസറുടെ സാക്ഷ്യപത്രവും നാശനഷ്ടങ്ങളുടെ ഫോട്ടോയും പത്രവാര്‍ത്തയും അപേക്ഷയോടൊപ്പം സമര്‍പ്പിക്കണം .
16.    അംഗമരണവും ആശ്രിത മരണവും ഒഴിച്ചുള്ള മറ്റെല്ലാ ആനുകൂല്യങ്ങള്‍ക്കും മൂന്ന് വര്‍ഷത്തെ സീനിയോറിറ്റി ബാധകമാണ്.